Moskvada dəhşətli qəza: Nişan üzüyü qadının barmağını qopardı
Moskvada bağ işləri görən qadın dəhşətli hadisə ilə üzləşib. Bağ sahəsində çalışarkən onun nişan üzüyü qəflətən hasarın çıxıntısına ilişib.
Qadının ani reaksiyası faciəyə yol açıb. Bildirilir ki, qadın əlini geri çəkən zaman üzük barmağında güclü dartılma yaradıb və nəticədə adsız barmağı demək olar ki, tamamilə qopub.
Yaralı dərhal Yeramişantsev adına Şəhər Klinik Xəstəxanasının Əl Mikrocərrahiyyəsi Mərkəzinə çatdırılıb. Təcrübəli həkimlər mürəkkəb əməliyyat həyata keçirərək zədələnmiş sümükləri, vətərləri, sinirləri, qan damarlarını və yumşaq toxumaları bərpa etməyə nail olublar.
Əməliyyat uğurla başa çatıb və hazırda qadın reabilitasiya dövrünü keçir.
Mütəxəssislər xəbərdarlıq edir: Travma riski yüksək olan işlərlə məşğul olarkən üzüklərin çıxarılması vacibdir. Çünki güclü dartılma zamanı üzük barmaqdan çıxmaq əvəzinə, ciddi xəsarətlərə, hətta barmağın qopmasına səbəb ola bilər. Bu cür hadisələrin qarşısını almaq üçün təhlükəsizlik qaydalarına riayət etmək həyati əhəmiyyət kəsb edir.